Upprisufréttir

Af landsfundi Sjálfstæðisflokksins er það helst að frétta að þar var boðskapur páskanna fléttaður inn í dagskrána þegar Davíð kom og hélt þar ræðu.

Af er nú víst allur vafinn
yfir velflesta Davíð er hafinn
Í gær sér af list
líkti kallinn við Krist
sem var „krossfestur, dáinn og grafinn“

Ég kann svo alveg söguna áfram en neita að trúa að Davíð sé upprisinn. Bjarni Ben. er það hinsvegar. 

Nú flokkinn skal losa við leti og slen
og ljóst er að þarf til þess afbragðs gen
úr vöndu skal ráða
menn völdu því snáða
sem er lifandi‘ en heitir samt Bjarni Ben.