Línurnar lagðar ...

.. í jörð!  Já nú eru þeir hjá Alcan orðnir svo skjálfandi á beinunum að þeir komu með þetta kostaboð í dag.  Allar raflínur í jörð!  Þeir ætla að borga brúsann ef stækkun verður samþykkt og þetta mun kosta þá litlar 800 milljónir.  Eitthvað eru þeir að græða á raforkuverðinu?

Það að leggja raflínurnar í jörð ætti auðvitað að vera sjálfsagt mál því það er sjónmengun að ljótum möstrum og línum.  Ekki er þó síður mikilvægt að ýmislegt bendir til þess að mikið návígi við háspennulínur geti verið hættulegt heilsu fólks.  Því ætti krafa Hafnfirðinga að vera að línurnar verði lagðar neðanjarðar hvort sem deiliskipulagið verður samþykkt eða ekki.

Í framtíð glöggt er að græða
Gaflarar á því að hræða
Alcan og Rist
sem reyndar þá fyrst
bjóðast til þess að blæða.

Athugasemdir

[Vilborg Eggertsdóttir, 28.3.2007 kl. 23:56]

 -  og ég heyrði áðan að Alcan ætlaði líka að taka að sér að borga lægst launuðum í Hafnarfirði launabætur eða til þeirra sem væru með mánaðartekjur undir 150.000 kr. á mánuði, - vildi að satt væri!