Hitabylgja

Hvað er að gerast?  Dagatalið sýnir apríl en hitamælar landsins rjúka upp úr öllu valdi.  Reyndar á það við um hitamæla víðar því óvenju miklir hitar og þurrkar eru víðast hvar í Evrópu þessa dagana.  Auðvitað er rík ástæða til að hafa áhyggjur af hlýnun andrúmsloftsins og bráðnun jöklanna en þegar ég spókaði mig í ermalausum kjól norður á Akureyri í gær og dag var mér í smástund alveg sama. 

Met sýna mælar og kvarðar
og miklu ég skil þetta varðar:
En í bili finnst mér
fínt ef svo fer
að hækki hitastig jarðar.

Athugasemdir

[Ester Sveinbjarnardóttir, 29.4.2007 kl. 23:52]

Jamm góðar limrur hjá þér, en hitinn er góður svo lengi sem hann bræðir ekki Grænlandsjökul.