Súludans

Nú á að banna einkadans á skemmtistöðum frá og með fyrsta júlí.  Í fréttinni stóð einkadans en ég geri ráð fyrir því að þar sé átt við það sem almenningur kallar súludans?  Þó á að vera hægt að fá undanþágur, eða eins og segir í frétt mbl.

"Í undantekningartilvikum er nektardans í atvinnuskyni leyfilegur á veitingastað að fengnum jákvæðum umsögnum sveitarstjórnar, heilbrigðisnefndar, slökkviliðs, byggingarfulltrúa og lögreglu."

Hér þótti mér sérlega fróðlegt að sjá að slökkviliðið fær að vera með í ákvarðanatöku.  Það er auðvitað vegna þess að það gæti hitnað svo í kolunum að allt fari í bál og brand.

Slökkviliðsmennina munar
miklu að ráða hvar bunar
vatnið á eldinn
en einnig á kveldin
hvar dansinn hjá súlunum dunar.

Nú er bara að vona að slökkviliðið bregðist ekki íþróttafélögunum þegar karlakvöldin fara að nálgast á haustmánuðuðum.

Athugasemdir

[Jens Guð, 25.6.2007 kl. 00:35]

  Súludans er ekki það sama og einkadans.  Súludans fer fram uppi á sviði fyrir framan gesti.  Einkadans er einnig kallaður kjöltudans.  Hann fer fram í (að mestu) lokuðu rými.  Þar inni er aðeins sá sem borgar fyrir dansinn.  Oftast einn einstaklingur en stundum pör. 

[Jóna (IP-tala skráð) 26.6.2007 kl. 21:10]

Jæja - þannig að súludansinn heldur áfram.  Þetta var mjög óljóst í umræddri frétt ....