Enn af næturlífi

Ekki veit ég hvar þetta endar en fréttir af næturlífi um helgar hér á Suðvesturhorninu eru ekki til þess að auka mönnum bjartsýni:  Maður var laminn á bar í Tryggvagötu, annar sleginn með flösku í andlitið á skemmtun í Hlégarði, hópslagsmál brutust út í Hafnarfirði og síðast en ekki síst réðst æstur múgur á lögguna á balli sem haldið var af íþróttafélagi vestur á Seltjarnarnesi:

Fréttirnar þungar mér þóttu
frá þessari síðustu nóttu:
Víða um stræti
stríðs- voru læti
og á Stuðmannaballi hjá Gróttu.

Góðu fréttirnar eru þær að það er vika í næstu helgi.