Er á meðan er...

... að heimurinn hossar mér.

Þegar ég byrjaði að blogga í vetur kom það fyrir af og til að umsjónarmaður vísnahornsins hjá Mogganum, Pétur Blöndal, las síðuna mína og birti af henni limru og limru.  Ég væri að skrökva ef ég segði að mér hefði leiðst það, en ég bar mig vel og lét á engu bera.  Sem var eins gott því allt í einu datt ég út af vinsældarlistanum og nú eru það bara alvöruskáld sem þar sjást á prenti.

Margoft í Moggann ég glugga
þar margt finn sem bloggarann hugga
í limrur það set
er glöð ef það get
og í sætinu roggin mér rugga.

Er ég byrjaði bloggið í vetur
og bullið það færði í letur
mitt hýrnaði geð
er hafði mig með
í horninu af og til, Pétur.

 

Athugasemdir

[Ari Guðmar Hallgrímsson, 26.10.2007 kl. 10:05]

Sæl Jóna. hafðu mikla þökk fyrir limrunar þínar,það er eitt af því fyrsta sem ég geri þegar ég kemst í tölvuna að gá hvað þúr ert að segja þann daginn.Vísnhornið í Mogganum er hand ónýtt eftir að það var sett á flakk í balðinu oftar en ekki fer það framhjá mér,ég nenni ekki að leita að því.Fastir þættir eiga að mínum dómi að eiga sitt fasta pláss,kveðja