Í skessuleik

Ef konur eru skeleggar og skörulegar er það notað á móti þeim.  Orð um röggsamar konur eru öllu ljótari en þau sem höfð eru um karla með svipaða eiginleika.  Þær eru frekjur, breddur, nornir og skessur meðan karlarnir eru ákveðnir og láta engan eiga neitt hjá sér.

Ort um mann sem kallaði kvenkyns andstæðing sinn skessu fyrr í dag:

Hann langar að kalla‘ hana lessu
og lemja helst vill í klessu
en hálfum með huga
hann lætur duga
að kalla skörunginn skessu.

Ljót orð um konur eru ófá og hér er vísa um það.  Þetta er reyndar ekki limra en ég  læt hana flakka - hún er ekki ný:

Tæfa, mella, drusla, drós
dula, hóra, skækja.
Flenna, gæra, frekjudós,
frilla, gála, dækja.