Stöðumál

Hafi menn haldið að veldi Bubba kóngs væri liðið undir lok þá er það mesti misskilningur.  Við vorum harkalega minnt á það í vikunni þegar fjármálaráðherra,  í snatti fyrir dómsmálaráðherra, skipaði kóngsson í embætti héraðsdómara:

Hann Davíð lét eftir sig arf
og áfram að kljást við hann þarf.
Núna menn reyna
að ráðstafa Steina
og redda um þægilegt starf.

Eins gott að strákurinn sé ekki bílveikur - hann á eftir að eyða miklum tíma í bíl uppi á heiðum!

Athugasemdir

[Ari Guðmar Hallgrímsson, 24.12.2007 kl. 06:59]

Það er eins og   aldrei sé hægt að losna við sumar óværur,hvernig sem klórað er, koma þær alltaf aftur,mannaráðningar sjálfstæðisflokksins eru einstakur kapituli,framsóknarmenn eru alls ekki einir um hituna í þeim efnum.

Þakka enn og aftur fyrir að fá að njóta kveðskaparins,eitt það fyrsta sem ég kíki á þegar ég opna tölvuna.Óska þér og þínum gleðilegra jóla og farsældar á nýju ári.Kveðja