Bull í beinni.

Sjónvarpsáhorf mitt er nokkuð mikið þessa dagana.  Ég var meira að segja farin að horfa á Silfur Egils í dag - í fyrsta skipti á ævinni held ég.  Ég hélt nú ekki lengi út, ég hætti þegar Hanna Birna Kristjánsdóttir var búin að böðla út úr að það væri sko ekki klofningur í Sjálfstæðirflokknum; það mætti gleggst sjá á þeirri staðreynd að sex borgarsjórnarfulltrúarnir (hér skildist mér að hún ætti við þá sem rottuðu sig saman á móti Villa í haust) hefðu komið úr báðum örmum flokksins!

Hún seinheppin laus er við sjarma
og sífrandi fer sér að barma:
„Ég klárlega ekki
klofning neinn þekki
þó flokkurinn eigi sér arma“.

Athugasemdir

[Jens Guð, 31.12.2007 kl. 00:15]

  Það var líka skondið að heyra hvern álitsgjafa Silfurs Egils á fætur öðrum,  sjálfstæðismenn ekki síður en aðra,  nefna fall meirihluta Sjálfstæðisflokksins í Reykjavík sem klúður ársins.  Boltinn var gefinn til Hönnu Birnu og hún kannaðist varla við þetta klúður.  Jæja,  þar fauk sá trúverðugleiki út í buskann.

  Vísan er góð.

[Ari Guðmar Hallgrímsson, 31.12.2007 kl. 01:47]

´Góð vísa.Óska þér og þínum gleðilegsárs.Kveðja

[Jóna Guðmundsdóttir, 31.12.2007 kl. 11:34]

Takk félagar og gleðilegt ár!

[Ester Sveinbjarnardóttir, 1.1.2008 kl. 01:19]

Gleðilegt nýtt ár til þín og þinna og takk fyrir skemmtilegar vísur á árinu 2007

[Jóna Guðmundsdóttir, 1.1.2008 kl. 23:57]

Takk Ester og gleðilegt ár.