Gleðilegt nýtt ár

Þá er runnið upp árið 2008.  Og alveg eins og Davíð skokkaði fram á sjónarsviðið á jóladag og sá okkur fyrir umræðuefni í jólaboðunum þá er Ólafur Ragnar búnn að útvega umræðuefni þennan fyrsta dags ársins.  Hann tilkynnti okkur að hann ætlaði að sækjast eftir endurkjöri í vor og á því hafa allir skoðun. 

Sumir eru frávita af fögnuði:

Þjóðin öll fregninni fagnar
og framboðshjalið nú þagnar.
Í slaginn er klár
aftur í ár
Ólafur forseti Ragnar.

En aðrir vilja hann í burtu og það sem fyrst:

Þjóð ekki fregninni fagnar

og framboðið tal þeirra magnar
sem alls ekki dylja
einbeittan vilja
Ólaf að rassskella Ragnar.

Sjálf sendi ég bara mínar bestu nýjársólkir þessum örfáu hræðum sem villast hér inn af og til - takk fyrir árið sem er að líða.

Athugasemdir

[Ari Guðmar Hallgrímsson, 2.1.2008 kl. 12:45]

Hafðu þökk fyrir kveðskapinn og gleðilegt ár og megi nýtt ár færa þér gæfu og gleði,ég er ein af villihræðunum,en ég kem hér daglega, þótt ég geri ekki altaf vart við mig, sem í sjálfu sér er dónaskapur miðað við gamlar Íslenskar hefðir og kurteisi... En er ekki allt á undanhaldi? Kveðja