Dýralæknablús

Árni Matt á ekki upp á pallborðið hjá þjóðinni þessa daga.  Hann á sér formælendur fáa eftir að fréttist af málaferlunum sem hann ætlar í við ljósmæður út af uppsögnum.  Meira að segja gat ég ekki heyrt betur en að Geir væri ekki alveg í stuðningsliðinu þegar hann var spurður í dag og aðrir stjórnarliðar eiga bágt þegar þeir þurfa að svara fyrir aðgerðir fjármálaráðherra.

Hann víst mun úr takti vera
af viti‘ ekkert maktar að gera
en hollt fyrir dýrin
að helv.  fýrinn
er hættur að praktisera.
´
En eins og kunnugt er er maðurinn dýralæknir að mennt.

Athugasemdir

[Sigríður Inga Sigurjónsdóttir, 14.9.2008 kl. 23:58]

Sæl  og blessuð. Sorrý en ég er ekki alveg að kveikja á samhenginu milli gjörninga mannsins og hvaða háskólamenntun hann valdi sér. Heldurðu að hann hafi einhvertíma praktíserað?

[Jóna Guðmundsdóttir, 15.9.2008 kl. 23:06]

Sæl Sigríður.  Já ég hélt að hann hefði verið starfandi dýralæknir en það er nú kannski misskilningur?

Hinsvegar finnst mér gaurinn svo óhemju klaufalegur í öllu sem hann gerir að það hljóti að teljast blessun að hann er ekki að eiga við skynlausar skepnur dag út og inn heldur ljósmæður og aðra sem geta svarað fyrir sig.