Hæfi og vanhæfi

Alltaf er eitthvað nýtt úr spillingadeildinni sem kemur á óvart.  Þetta las ég í mbl.is í dag:  "Valtýr Sigurðsson ríkissaksóknari og Bogi Nilsson, fyrrverandi ríkissaksóknari, álíta sig ekki vanhæfa til að sinna frumrannsókn á starfsemi viðskiptabankanna þriggja, í aðdragandanum að falli þeirra."  og í framhaldinu segir:   "Sonur Valtýs, Sigurður, er forstjóri Exista. Sonur Boga, Bernhard, er framkvæmdastjóri lögfræðisviðs Stoða. Hvort tveggja er útrásarfyrirtæki með tengsl við fallna banka, Kaupþing og Glitni."

Í lok fréttarinnar er svo vitnað í Björn Bjarnanson sem gefur þessum mönnum sjálfdæmi í að kveða upp úr um hæfi eða vanhæfi eða eins og segir á mbl:   "Aðspurður vísaði Björn Bjarnason dómsmálaráðherra á þá Valtý og Boga. Engum væru reglur um vanhæfi betur kunnar en þeim. „...þeir eiga sjálfir síðasta orðið um hæfi sitt eða vanhæfi og treysti ég dómgreind þeirra óskorað í því efni,“ sagði Björn."

Ljóst er nú tekur að loga
um land allt og skrýtið að voga
sér skuli Björn
að bruna í vörn
og verja þá Valtý og Boga. 

En kannski er öllum sama?

Athugasemdir

[Ari Guðmar Hallgrímsson, 31.10.2008 kl. 08:37]

Vandséð í hvaða veröld Björn Bjarnason lifir, og þó, hefur mottó sjálstæðismanna ekki alltaf verið flokkurinn og völdin No 1. Öll meðul leyfileg.

Reyni að passa mig á senda þetta ekki aftur: "Tæknileg mistök"

Kveðja AG

[Jóna Guðmundsdóttir, 31.10.2008 kl. 15:45]

Tæknileg mistök geta verið af ýmsu tagi - þessi eru af skárra taginu.
Kv-Jóna