Ráð undir rifi hverju

Eftir að þjóðin var búin að jafna sig á því að Guðni væri horfinn fréttist af honum á Klörubar á Kanarí.  Auðvitað er hann búinn að hugsa næsta leik.  Hann stofnar elliflokkinn og er einmitt á réttum stað til þess að safna áhangendum.  Svo á hann eftir að koma og rúlla þessu upp.

Guðni hann fer nú á fjöru þar
við ferðamenn og  með snöru var;
ótrauður veiðir
og um atkvæði beiðir
eldgamalt liðið á  Klörubar.

Svo er bara spurningin:  Heldur hann eftirlaununum líka ef hann fer aftur á þing?