Gjaldeyrislán og lukka

Nú eru víst að koma krónurnar að westan.  Þær verða notaðar til að koma krónunni á flot eins og sagt er, hvernig sem það kemur nú til með að ganga.

Er krónuræfillin kemst á flot
mun kreppan magnast og óðagot
verða um hríð
og verðbólgutíð
sem áfram mun stefna þjóð í þrot.

Þess er nú kannski heldur svartsýn - ég ætti heldur að huga að eigin hag.  Ef krónan fellur erum við gjaldeyriseigendur í góðum málum.  Ég gæti til að mynda selt dollarana mína og keypt mér eitthvað fallegt, jafnvel nýja skó.

Nú krónan fer fljótlega‘ að falla
því fljóta gerir hún valla:
Ég dollara á,
ætti ég þá
að selja samstundis alla?

Reyndar eru þetta nú ekki nema 160 dollarar og þar að auki Hong Kong dollarar svo ég fæ varla nema sokka.