Liðsauki

Mótmælendur fóru í Landsbankann í dag og hrópuðu taktfast "Bankanum þínum er sama um þig" sem eru vissulega orð að sönnu.  Athygli vakti að í hópi mótmælenda var Jón nokkur Gerald Sullenberger, sem til skamms tíma var skútuhaldari og rótari útrásarvíkinganna. 

Eins og alþjóð veit, slettist upp á þann vinskap og nú er félagi Sullenberger að sleikja sig upp við alþýðuna í staðinn og mætti þess vegnaí Landsbankann í morgun.  Hann hefur lýst því yfir í viðtölum við fjölmiðla að hann vilji taka þátt í uppbyggingunni hérlendis og leggja sitt af mörkum.  Þessi fórn hans á að felast í því að hann vill stofna verslanir til höfuðs Baugsfeðgum.  Það er auðvitað frábært því ef eitthvað vantar hérlendis þá eru það búðir - eða hvað?

Jón Gerald er kokhraustur kóni

sem  kveðst vilja byggja‘  upp á Fróni
En ef betur er gáð
beinast hans ráð
að því hvernig hann klekkt geti‘  á Jóni.

Athugasemdir

[Ari Guðmar Hallgrímsson, 18.12.2008 kl. 11:29]

Þú hittir naglann á höfuðið að vanda.

Kveðja